بقلم الشاعر المبدع رباض رحيم (( الشهداء عيد الوطن ))

الشهداء عيد الوطن

يمعيد ابجنة عدن بيك الشفاعه هلت

من حسنك الحور انشدت شعر اعله طه صلت

لو ما بذلت النه النفس چا ما عدانه ولت

انت الوطن وانت الخلد بيك الجروح انشلت

من ودعتنه ما متت روحك وطن بيه حلت***

صح الجسد غافي ابترب مسك العطر من هامك

يالما وطيت العاذلك كل العمر گدامك

شامخ يظل بيك الشعب رفت علم مقدامك***

كل ما تهب نسمة هوا روحك تحن لحبابك

اتمرنه زاير كل وكت يالما يمنعهه اغيابك

تشتاگ الك روح المحب والدنيه دگت بابك

مكسوره خاطر خسرتك متحسفه سهم الصابك

تدري اشكثر بيهه حزن محترگه من لهابك

هم طلگتهه وهم تون جاليهه من اعتابك

الدنيه ما الهه شبر ولا الهه حظ باعجابك

بيدك مفاتيح الحصن وانت التدخل احبابك

رياض رحيم المظلوم

أول أيام عيد الفطر المبارك ١٤٤١

24/5/2020

كل عام وانتم بخير ويمن وبركات يعود عليكم بالصحة والعافية