بقلم الشاعر المبدع سمير محمود (( لما المرض ))

لما المرض بيذل

كل الحاجات بتقل

والورد يصبح شوك

والجزء يرفض كل

.............

كاس المرض حنضل

خاين ولا اندل

قاسي ومن طبعه

يضرب وفي المقتل

...............

جبار قوي وقادر

عمره مقال حاضر

وان حتى حلفته

بصعوبة لو غادر

...............

فوق الجميع بيدوس

والصحة مش بفلوس

وان مرة يتمكن

بيكون ولا المهووس

..............

قادر ولا همه

بيبخ من سمه

كل اللي بكاهم

على سكته اتلموا

.............

مكتوب في أقدارنا

بيفوت على دارنا

وبيسقي من كاسه

صغارنا وكبارنا

................

جامدوليه هيبة

ومايعرف الغيبة

ماشي على كله

طفولة او شيبة

.................

ع الجرح جاي يعزف

مع انه بيخفف

يارب استرها

ومن أذاه الطف

#سميرمحمود