///حروفي تايهه///
****************
دلوقتى جاى عشان تلومنى
ما انت عارف غصب عنى
قلمى ماسكه مابين صوابعى
واللى حاضنة بكف ايدى
مابقاش فى طوعى
ومش عجباه ماسكة صوابعى
حتى قلبى مش ف طوعى
اللى ساكن بين ضلوعى
ونبضى حاسس كأنه خايف
والحروف متحجره بين الشفايف
والكلام توبه متصنع وزايف
وقلمى لا سامع ولا شايف
بيكتب ف ورقه ممزوعه
وقصيده ف حلقى محشوره
وحروفها تايهه ف الصوره
مرسومه ف قلبى ومحفوره
سيبته وكلى خيبة أمل
والصبر اللى كان فيا اتقتل
والنبض أصبح دقات ملل
وكتابى فى بدايته اتقفل
مابقتش عارف عيب قلم
ما بيكتبش وواقف صنم
وآلا الورقه صابها الألم
وخيط الكلام اللى اتلضم
كام حرف فيه كان اتكسر
وف الجيتار مقطوع وتر
كام لحن ف النوته اتعصر
أصبح سراب مالهوش أثر
م/محمد بدوى أبوالعلا
ليست هناك تعليقات:
إرسال تعليق