-- طاير بلا ريش امعلي --
-------------------------
طير يا طير اوشد حالي معاك شدني ساعة
طير يا طير بلا ريش ياك انت حوتة عوامة
شدني نمشي وانجي انخاصمك او خاصمني
شدني انهاجرو لبلاد.!
وانرجعو....بعد ساعة.!
كن برد اوقر راه ابلادي و لو اتكون عقرب ما انقاسي
كن سيف ماضي الى اخرفتي لا اتعود سيف حافي
كن امقدم و اتقدم اضرب.......بالبارود الحي ضرباتك
الى كان الطوب طوبة سكر راه منو ناخذ حقي
الى كان الطوب تربة ما تاخذو خليه ذاك رزقي
الى كان حقي ازهر ريحان خلي حقي فيه انسول
الى كان العطشان يروى من دمي غير اعطيه عروقي
الى كان غذار اخوتو عوام ايعوم يخون المرجان
ما نبني فالدنيا دارعارف ساسها على مطمورة راشي
ملي سرنا في طريق خاوى خوات لعقول اوسرت هاوي.!
ملي فكرنا اش انديرو فات الوقت عدنا نعاج هاربة تعرج.!
يا الداخل السوق اش اداك تركب على الكلخ الراشي
واش عارف الليل جاي و النهار ولو ايطول ماشي واش عارف راسك معقول واللا اقلبتي وجهك للغاشي
كانت لي بكرة تعطي لحليب غرزت اعطاتني دم جاري
كان راجل وسط الرجالة لكن سار بعد الرجولة شماتة!
راح الليل في الليل و لا نور....ابقى عندنا ضاوي!
سولوا الكمرة و نجومها يمكن تعطيكم اخبارها!
غربت الشمس وقت لفجر سار النهار ليل سوداني!
املكنا الخوف سرنا نجريو غيثنا يا الواحد الوحداني!
شي انهار انجمعو المجمع او كيف العادة لقمة مشروكة
شي انهار انضحكو بلا اسنان = انهجروه= بالفم خاوي
كنا خاوا يا زمان ولينا عديان ناري او طال الضحك فينا
الضحك غير شارة كنا اخيوط الشمس الذهبية كنا نورها
كنا نور امضوي لكن غاب النور سرنا بوم ينعى بنعاه
نادينا اليوم نادى يوم العاشق عاشق نادينا يال الهادي
نار الكية احطب و الكية اتكادي نار حرقت جنابي شدينا فالخاوي شدينا فالغاوي اغطسنا في الاعماق
الروح للروح اتنادي و الروح عند الرب مولانا الخالق
ابغيت حقي اتراب ايكون قد حقوق لبكار.!
ابغيت حقي انا و افراخي زوان
ابغيت حقي انا و افراخي انقب.!
ربي لحمام تعرف تعرف اسرار الغادي والماجي.! كن شي واحد ربانا.! كن شي واحد قرانا.!
يا الناشد ناشد فين موالك غادي
يا الغارق غارق واش سعدك سعدي
ابغيت العاقل العاقل فينا يتكلم
لا خوف لا حشمة على حقو ايدافع
مات فينا القلب
مات فينا الضمير.!
خليوا الانسانية
حق....للانسانية.!
الخبز خبزي وانت قاطع النص
لا تكذب لا اتحور كلام خالص.!
العابد عبد الرحبم:30/01/2018
الفقيه بن صالح
أسقام وأحزان ارتديت الأسود فيك وتكحلت. مقلتاي وجعا عليك و أعلنت فيك الحداد وشيعت جنازتك واغتصبت قلبي داخل صدري لكي لا أبكي...
ليست هناك تعليقات:
إرسال تعليق