اللقاء والصدفه
************
حبيبى لما شوفته
لقتنى جريت عليه
وشديته من ايديه
والتفت بس بتأنى
ولحظة لما شافنى
كان ف نظرة عينيه
اشواقه لسه باينه
وقبل مايقول سلام
قال من غير كلام
قالها بنظرة عينيه
ومد كمان ايديه
لجل ما أسلم عليه
وحال بينا السكات
وكام م الوقت فات
معرفش ف الساعات
وف لحظه عمر فات
بعد ما عدت ساعات
ورجعنا من السكات
وقبل ماقوله ازيك
سبقنى وقالى ازيك
وسألنى عامله ايه
وقبل ما ارد عليه
لقيته بيسأل سؤال
ايه غير الأحوال
ايه غير مابينا الود
مابقتش عارفه ارد
لقيته بيقولى عاشق
لحظتها قلبى رق
ورجعت قلت لأ
لأ والف لأ
أبقى اسيرة ايديه
واشتاق نظرة عينيه
وقلبى ساعتها رق
وجوايا النبض دق
وقالى مش هاينفع
نسيبه يمشى يرجع
لازم لكلامه نخضع
مش هاقدر ع البعاد
وما صدق انه عاد
م/محمد بدوى أبوالعلا
ليست هناك تعليقات:
إرسال تعليق