بقلم الشاعر المبدع محمود غازي درويش ((كان يا ما كان))

((كان ياما كان))

💠 💠💠 💠

قابلني ..

مكنش من زمان شافني

وقاليّْ شكلك إتغير

وبانت التجاعيد

وبان عليك الزمن

ياصحبي من بدري

ومبقتش زي زمان

بَشُوُش كدا وسعيد

وكأن صحبي

فى دنيا غير إلليّ أنا فيها

وكان كلامه عِتاب

أليم قوي وشديد

إزاي فى وقت بسيط

وشوشنا تتغير

وتموت فينا الأماني..

ونعيش كما الأموات

ومين ياصحبي

عاش الحياة وم فات

على الزمان شَكّْله

وكأنه ميت نَحَات

نحت بألمه فينا

وديان من الآحزان

وعمقها بيزيد

بذِكرة الأمجاد

كنا وكان وما كان

..وكان ياما كان

أُمة وليها عِزة ..

راسخة كما الأوتاد

إتبدلت الأحوال ..

وبقينا أضعف حال

وصرنا والله عبيد

..بعد ما كنا أسياد

💠💠💠💠⁦🖋️⁩محمود غازي درويش